Беларусы, якія з’ехалі праз рэпрэсіі, хочуць вярнуцца на радзіму, звяртаюцца ў камісію па вяртанні, але назад не спяшаюцца, бо іх не адпускаюць «заходнія куратары». Такую заяву зрабіў генпракурор Андрэй Швед 15 студзеня на дыялогавай пляцоўцы ў Беларускім дзяржаўным універсітэце інфарматыкі і радыёэлектронікі.
Перад пачаткам мерапрыемства генпракурор, які таксама з’яўляецца старшынёй камісіі па вяртанні беларусаў, паабяцаў «апераваць фактамі», якія «сам мае». Ён адзначыў, што да яго паступіла «каля 200 заяваў» ад беларусаў, якія збеглі ад рэпрэсій за мяжу, а цяпер хочуць вярнуцца на радзіму.
— Частка з іх разгледжаная, частка ў працы. Але мяркуючы з размоваў з гэтымі людзьмі мы цалкам дакладна ведаем, што многія б вярнуліся, але баяцца. І баяцца ўжо не прыцягнення да адказнасці, а тых, хто іх на Захадзе курыруе. І нават тыя, у дачыненні да якіх камісіяй прынятае станоўчае рашэнне, праз гэта не могуць вярнуцца на радзіму, — прадставіў факты, якія «сам мае», генпракурор Швед.
Якіх-кольвек доказаў сваім словам ён не прывёў.
Чытайце таксама
